ເປັນມື້ສົມມາຄະລະວະຜູ້ໃຫຍ່ (ພໍ່ແມ່ ປູ່ຍ່າ ຕາຍາຍ ແລະ ຜູ້ມີພະຄຸນທັງຫລາຍ) ດ້ວຍດອກໄມ້ ທູບທຽນ ແລະ ຫົດສົງດ້ວຍນ້ຳອົບນ້ຳຫອມ ເພື່ອຂໍພອນ 10 ປະການ. ອີກອັນຫນຶ່ງ ເພື່ອໃຫ້ເພີ່ນ ຫລຸດບາບຫລຸດໂທດໃຫ້ ໃນໄລຍະຜ່ານມາ “ຖ້າຫາກວ່າລູກຫລານ ໄດ້ສະຫລັງພັ້ງພາດ ໄປບໍ່ຊ່າງ ຍ່າງບໍ່ງາມ, ໄດ້ປະພຶດບໍ່ຊອບ ໄດ້ຕອບຖ້ອຍຖຽງຄວາມ ໄດ້ຖິ້ມບຸງການຫນ້າໄດ້ຖິ້ມຊ້າກາຍຕາ ໂດຍເຈດຕະນາ ແລະ ບໍ່ເຈດຊຕະນາກໍ່ດີ ຂໍໃຫ້ພໍ່ແມ່ ຈົ່ງອະໂຫສິກຳໃຫ້ພວກລູກຫລານແດ່ເທີ້ນ”, ສ່ວນຜູ້ທີ່ເປັນພໍ່ແມ່ ກໍ່ອວຍພອນໃຫ້ລູກຫລານ ຂໍໃຫ້ມີຄວາມສຸກກາຍສະບາຍໃຈ ຂໍໃຫ້ຄຸນສິນຄຸນ ທຳຄຸ້ມຄອງ ໃຫ້ປະພຶດໃນທາງທີ່ຊອບປະກອບໃນທາງທີດີ ໃຫ້ໄດ້ສົມນັກສົມປາຖະຫນາທຸກສິ່ງທີ່ ປະກອບຊອບທຳ ທັງອະໂຫສິກຳໃຫ້ທຸກຄົນເບີກບານມ່ວນຊື່ນ ຕ້ອນຮັບປີໃຫມ່. ທຸກວັດ ກໍ່ມີການ ຕັກບາດຢາດນ້ຳ ແຈກສັງຄະທານ ເພື່ອເປັນນິມິດຫມາຍໃນວາລະດີປີໃຫມ່.
