ທ່ານທີ່ສົນໃຈເລື່ອງປະຫວັດສາດ ຄົງຈະຮູ້ດີວ່າ ຕອນທີ່ລະບອບຄອມມູນິດຫລົ້ມລະລາຍໃນປີ 1991 ມີພຽງແຕ່ສ່ວນຫນຶ່ງຂອງອາຊີທີ່ໄດ້ຮັບຜົນກະທົບ, ບັນດາປະເທດອ້ອມຂ້າງ ສສຊ ເປັນຕົ້ນແມ່ນ ລາວ ຫວຽດນາມ ກຳປູເຈຍ ກໍ່ຫັນຫນ້າໄປຫາແນວທາງໃຫມ່ ນັ້ນກໍ່ຄືເສດຖະກິດວາງແຜນ ແລະ ດັດສົມຕາມກົນໄກຕະຫລາດ.ມາຮອດປະຈຸບັນ 2008, ເສດຖະກິດທຶນນິຍົມຍັກໃຫຍ່ ກໍ່ຄື ອາເມລິກາ ທີ່ຂຶ້ນຊື່ວ່າເປັນປະເທດມະຫາອຳນາດໃຫຍ່ ມີລະບົບການເງິນທີ່ເຂັ້ມແຂງ ກໍ່ຍັງປະສົມກັບ ວິກິດການທາງການເງິນ ທີ່ສົ່ງຜົນກະທົບໄປເຖິງທຸກມຸມໂລກ.ມັນກໍ່ເປັນຕາເຮັດໃຫ້ຄິດຢູ່ ວ່າເສດຖະກິດທີ່ປະຖົມປະຖານ ລະບົບການເງິນທີ່ຍັງອ່ອນນ້ອຍ ແລະ ບໍ່ທັນເຂັ້ມແຂງຄື ສປປ ລາວ ຈະຮັບມືກັບບັນຫາທາງການເງິນທີ່ອາດຈະເກີດຂຶ້ນໄດ້ແນວໃດ? ທະນາຄານຕ່າງໆລົງທຶນເປັນຈຳນວນຫລວງຫລາຍເພື່ອ ກໍ່ສ້າງໂຄງລ່າງພື້ນຖານເພື່ອຮອງຮັບລະບົບການເງິນໃຫມ່ ໂຄງສ້າງຕະຫລາດຫລັກຊັບ.... ວິກິດການທາງການເງິນປີ 1998 ແລະ 2008 ບໍ່ເຄີຍເຮັດໃຫ້ຜູ້ຮັກການຄ້າຂາຍຫລັກຊັບທີ່ຈັບບາຍບໍ່ໄດ້ (ຫຸ້ນ) ຢ້ານກົວ ແລະ ສະທົກສະທ້ານສືບຕໍ່ ເປັນຄືແມງເມົ່າ ພາກັນບິນເຂົ້າກອງໄຟ ທຶ້ນໆ.
