ທ່ານ ໂອທອງ ຄຳອິນຊູ ຜູ້ອຳນວຍການ ແລະ ບັນນາທິການ ວາລະສານ ວັນນະສິນ ຂອງກະຊວງຖະແຫລງຂ່າວ ແລະ ວັດທະນະທຳ ແລະ ເປັນນັກຂຽນບົດ ເລື່ອງສັ້ນ ທີ່ໄດ້ຮັບລາງວັນ ຊີໄຣທ໌ 2008 ໄດ້ກ່າວ ກ່ຽວກັບເລື່ອງ ຂອງຊາຍໜຸ່ມຍິງສາວລາວ ສູບຢາ ແລະ ກິນເຫລົ້າ ໃນປັດຈຸບັນວ່າ:
“ຄິດວ່າລຸດລົງເພາະວ່າໃນອະດີດນີ້ເລີ້ມອາຍຸນ້ອຍໆກໍເລີ້ມສູບແລ້ວແຕ່ດຽວນີ້ສັງເກດເຫັນແຕ່ຜູ້ເຖົ້າສູບຫລາຍຄົນໄວໜຸ່ມບໍ່ຄ່ອຍສົນໃຈເທົ່າໃດແຕ່ເລື່ອງເຫລົ້າເລື່ອງເບັຍຮູ້ສຶກວ່າກຳລັງຂື້ນສຳລັບໄວໜຸ່ມ.”
ທ່ານວ່າໃນເລື່ອງ ຂອງການພັດທະນາແລະ ຄວາມຈະເລີນກໍມີສ່ວນສຳຄັນທີ່ເຮັດໃຫ້ໄວລຸ້ນລາວ ປັດຈຸບັນນີ້ ຫັນມາ ນິຍົມດື່ມ ຂອງມືນເມົາຮວມໄປເຖິງ ຄ່ານິຍົມ ຕາເວັນຕົກອີກທັງ ຈາກຂ່າວສານ ທາງໂທລະທັດທີ່ໄວໜຸ່ມລາວ ສ່ວນໃຫຍ່ ນິຍົມ ທີ່ຈະເຮັດຕາມ.
ຕໍ່ບັນຫາ ດັ່ງກ່າວທ່ານໂອທອງຢາກໃຫ້ໄວລຸ້ນລາວ ເຊົາມົ້ວສຸມ ຢູ່ນຳສິ່ງມືນເມົາ ຕ່າງໆ:
“ຄິດວ່າຢາກໃຫ້ເຊົາປະແຕ່ກໍບໍ່ໄດ້ໝາຍຄວາມວ່າໃນຊີວິດຈະບໍ່ໃຫ້ກິນເລີຍແຕ່ຄິດວ່າພໍດີພໍງາມຄົນລະຈອກແລ້ວກໍແລ້ວໄປບໍ່ຄວນ ຈະເປັນວ່າມາດື່ມຕໍ່ແລ້ວກໍໄປບໍ່ໄດ້ຄິດວ່າບໍ່ຄວນ.”
ຕາມການວິໃຈ ຂອງອົງການ ດ້ານຢາເສບຕິດແລະ ອາດສະຍາກຳ ສະຫະປະຊາຊາດຫລື UNODC ວ່າພຶດຕິກຳ ການດື່ມເຫລົ້າຫລື ເບັຍແລະ ເສບຢາເສບຕິດ ຂອງເຍົາວະຊົນມາຈາກຄົນ ໃນຄອບຄົວ ສູບຢາດື່ມເຫລົ້າມີເຖີງ 80 ສ່ວນຮ້ອຍ. ສຳລັບ ສາເຫດ ທີ່ເຮັດໃຫ້ເດັກນ້ອຍ ເສບຢາເສບຕິດຍ້ອນຢາກ ທົດລອງແລະ ເພື່ອນຊວນສູບມີຫລາຍເຖິງ 90 ສ່ວນຮ້ອຍ. ນອກນັ້ນຍັງພົບວ່າເຫລົ້າ ເປັນສິ່ງກະຕຸ້ນ ໂດຍກົງ ຕໍ່ເດັກນ້ອຍໃຫ້ເຮັດຜິດກົດໝາຍເຊັ່ນການລັກເລັກຂະໂມຍນ້ອຍງັດແງະປູ້ນຈີ້ເຖິງ 38 ສ່ວນຮ້ອຍ.
ຂ້ອຍກະແມ່ນຜູ້ຫນຶ່ງ ທີ່ມາຍີ່ປຸ່ນແລ້ວກິນເຫລົ້າເກັ່ງຂຶ້ນ ແຕ່ມັນເຮັດໃຫ້ສະຫມອງບໍ່ດີຄືເກົ່າ ເມື່ອຍງ່າຍ ສຸຂະພາບບໍ່ຄ່ອຍແຂງແຮງ ໂດຍສະເພາະໂລກກະເພາະ ແລະ ທ້ອງບໍ່ດີ, ດຽວນີ້ບໍ່ກິນລະເດ້
