LSAJ

ເຂົ້າປຸ້ນນ້ຳປົ່ນນວງຫວັນນະເຂດປະກອບມີ 3 ສ່ວນໃຫຍ່ຄື:

1.ເຂົ້າປູ້ນ. (ຫາຊື້ໄດ້ຕາມທ້ອງຕະຫຼາດທົ່ວໄປ)
2.ເຍື່ອເຂົ້າປຸ້ນ ປະກອບມີ: ກະລຳ່ປີ, ໝາກຫຸ່ງຂູດ, ໝາກແຕງ, ໝາກປີ, ໝາກຖົ່ວງອກ, ໝາກຖົ່ວຍາວ, ໜໍ່ໄມ້ຕົ້ມ (ທ່ານສາມາດເລືອກຊື້ໄດ້ຕາມໃຈມັກ)
3.ນ້ຳເຂົ້າປຸ້ນ.

ສ່ວນປະກອບນຳ້ເຂົ້າປຸ້ນ (ສຳລັບເຂົ້າປຸ້ນໜື່ງໝື່ນລວມມີ)
1.ປານິນ ( ຫຼື ປາທຳມະຊາດກໍ່ໄດ້) 3 ກິໂລ.
2.ປາແດກຕ່ອນປາໃຫຍ່ເຄິ່ງກິໂລ
3.ໝາກເຜັດປົ່ນ3 ບ່ວງ
4.ໝາກເຜັດດິບ+ສຸກ2 ຂີດ
5.ໃບຂີ້ຫູດ1 ກຳ
6.ຫົວສິງໃຄ4 ຫົວ
7.ຫົວຂີງ1 ຫົວກາງ
8.ຫົວຂ່າ1 ຫົວກາງ
9.ຜັກທຽມແຫ້ງ2 ຂີດ
10.ຜັກບົ່ວຫົວແດງ2 ຂີດ
11.ແປ້ງນົວ1 ບ່ວງແກງ
12.ເກືອ3 ບ່ວງແກງ
13.ນ້ຳປາ3 ບ່ວງແກງ
14.ນ້ຳຕານ 5ບ່ວງແກງ(ແລ້ວແຕ່ຜູ້ມັກຫວານ)

ວິທີປຸງ:
1.ເອົານ້ຳໃສ່ໝໍ້ 7-3 ລິດ ຕົ້ມໃຫ້ຟົດແລ້ວນຳເອົາປາທີ່ລ້າງສະອາດມາຕົ້ມໃຫ້ສຸກ. ແລ້ວ ຕັກຂຶ້ນ ມາເພື່ອໃຈ້ກ້າງປາອອກ ຈາກນັ້ນກໍ່ນຳມາຕຳໃຫ້ມົ່ນ.
2.ນຳເອົາປາແດກທີ່ຂົ້ມແຫ້ມ ແລ້ວນຳມາຕອງລົງນ້ຳຕົ້ມປາທີ່ກຽມໄວ້.
3.ນຳເອົາ ຫົວຂ່າ, ຫົວຂີງ, ຫົວສິງໃຄ, ຫົວຜັກທຽມ, ຜັກບົ່ວຫົວແດງ, ໝາກເຜັດດິບ, ໝາຍເຜັດສຸກ ມາສຽບປີ້ງໃຫ້ສຸກຫອມພໍດີ ແລ້ວມາທຸບເປໆ ຫຼັງຈາກນັ້ນກໍ່ເອົາລົງໃສ່ໝໍ້ນ້ຳເຂົ້າປຸ້ນໄດ້ເລີຍ.
4.ຂົ້ວໝາກເຜັດໃສ່ນ້ຳມັນພືດ 2 ບ່ວງ ແລ້ວເອົານ້ຳເນື້ອປາລົງ ຄົນໃຫ້ເຂົ້າກັນກັບໝາກເຜັດປົ່ນ. ຈາກນັ້ນເຮົາກໍ່ເອົາແປ້ງນົວ, ນ້ຳຕານ, ນ້ຳປາ ແລະໃບຂີ້ຫູດລົງ ຄົນໃຫ້ເຂົ້າ ກັນຕື່ມ ກະວ່າເນື້ອປາກອບໜ້ອຍໜື່ງພໍໃຫ້ເປັນນ້ຳອົ້ວຕົ້ວ. ແລ້ວຈຶ່ງນຳມາຖອກໃສ່ນຳ້ ຕົ້ມປາທີ່ກຽມ ແລະຄ້າງຂຶ້ນໃສ່ໄຟອ່ອນປານກາງ. ຖ້າວ່າຜູ້ມັກເລືອດໝູກໍ່ປາດໃສ່ໜ້ອຍ ໜຶ່ງແລ້ວກໍ່ຊີມເບິ່ງ ຫຼື ປຸງຕາມໃຈມັກ ຫຼັງຈາກນັ້ນເຮົາກໍ່ຈະໄດ້ເຂົ້າປຸ້ນນ້ຳປົ່ນປາ ສູດພື້ນບ້ານຂອງແຂວງສະຫວັນນະເຂດ ຖ້າທ່ານໃດສົນໃຈກໍ່ລອງນຳເອົາສູດນີ້ໄປເຮັດຢູ່ບ້ານຂອງທ່ານເອງກໍ່ໄດ້ເລີຍ.